ཚོགས་པ་གང་འདྲ་ཞིག་ཡིན་ནའང་རུང་དཔལ་འབྱོར་ནི་མེད་ཐབས་ལྟ་བུ་ཞིག་ཡིན་སྟབས། ང་ཚོ་མདོ་ཁམས་ཡུལ་ཤུལ་ཚོགས་པའི་དབུས་རྒྱུན་སྐབས་དང་པོ་ཡིན་པར་བརྟེན་ལས་འགན་འཕར་མ་ཞིག་དང་ཚོགས་པའི་གཞི་རྩ་མ་དངུལ་ཞིག་ངེས་པར་བཞག་དགོས་ཡོད། དེར་བརྟེན་ང་ཚོ་དབུས་རྒྱུན་སྐབས་ཐེངས་གཉིས་གོ་སྒྲིག་ཞུས་པ་རེད། རྒྱན་ཤོག་ཐེངས་དང་པོའི་སྐབས་ཚོགས་གཙོ་གཙོས་པའི་དབུས་རྒྱུན་རྣམ་པ་དང་དེ་བཞིན་ལྷག་བསམ་ཅན་གྱི་ཚོགས་མི་རྣམས་དང་གཞན་གཞིས་བྱེས་གཉིས་སུ་ཡོད་པའི་བོད་རིགས་སྤུན་ཟླ་རྣམས་ནས་ང་ཚོ་ལ་རྒྱབ་སྐྱོང་ཚད་མེད་གནང་ཡོད། མཐར་གནས་ཡུལ་རྡོ་རྗེ་གདན་དུ་ཚོགས་གཙོ་གཙོས་པའི་དབུས་རྒྱུན་འགའ་ཤས་དང་ལྷག་བསམ་ཅན་གྱི་ཚོགས་མི་རྣམས་ནས་ཉིན་མཚན་ལྟོས་མེད་ཀྱིས་རྒྱན་ཤོག་བཙོང་བ་དང་རྒྱན་ཤོག་གསལ་བསྒྲགས་གནང་བ་མ་ཚད། ལམ་གྲོན་སོགས་ཚོགས་པ་ནས་མ་ཞས་པར་རང་རང་སྒེར་གྱི་བཏང་བ་སོགས་ཧ་ཅང་གི་བཀའ་དྲིན་ཆེན་པོ་གནང་ཡོད། མཐར་དཔལ་འབྱོར་འདུ་འགོད་ཀྱི་ལས་གཞི་དང་པོ་ཚགས་ཚུད་དང་དཔལ་འབྱོར་འདུ་འགོད་ཡག་པོ་བྱུང་ཡོད།
