admin

ཕྱི་ལོ་༢༠༢༦ དང་ ༢༠༡༧ ལོར་མདོ་ཁམས་ཡུལ་ཤུལ་དབུས་སྤྱི་ཁྱབ་རྒྱུན་ལས་ཁང་ནས་བོད་རིགས་ནད་པ་ཉམ་ཐག་རྣམས་ལ་རོགས་རམ་བྱེད་པ་ཁག་གི་མཚན་ཐོ་གཤམ་གསལ།

ཚོགས་པ་གང་འདྲ་ཞིག་ཡིན་ནའང་རུང་དཔལ་འབྱོར་ནི་མེད་ཐབས་ལྟ་བུ་ཞིག་ཡིན་སྟབས། ང་ཚོ་མདོ་ཁམས་ཡུལ་ཤུལ་ཚོགས་པའི་དབུས་རྒྱུན་སྐབས་དང་པོ་ཡིན་པར་བརྟེན་ལས་འགན་འཕར་མ་ཞིག་དང་ཚོགས་པའི་གཞི་རྩ་མ་དངུལ་ཞིག་ངེས་པར་བཞག་དགོས་ཡོད། དེར་བརྟེན་ང་ཚོ་དབུས་རྒྱུན་སྐབས་ཐེངས་གཉིས་གོ་སྒྲིག་ཞུས་པ་རེད། རྒྱན་ཤོག་ཐེངས་དང་པོའི་སྐབས་ཚོགས་གཙོ་གཙོས་པའི་དབུས་རྒྱུན་རྣམ་པ་དང་དེ་བཞིན་ལྷག་བསམ་ཅན་གྱི་ཚོགས་མི་རྣམས་དང་གཞན་གཞིས་བྱེས་གཉིས་སུ་ཡོད་པའི་བོད་རིགས་སྤུན་ཟླ་རྣམས་ནས་ང་ཚོ་ལ་རྒྱབ་སྐྱོང་ཚད་མེད་གནང་ཡོད། མཐར་གནས་ཡུལ་རྡོ་རྗེ་གདན་དུ་ཚོགས་གཙོ་གཙོས་པའི་དབུས་རྒྱུན་འགའ་ཤས་དང་ལྷག་བསམ་ཅན་གྱི་ཚོགས་མི་རྣམས་ནས་ཉིན་མཚན་ལྟོས་མེད་ཀྱིས་རྒྱན་ཤོག་བཙོང་བ་དང་རྒྱན་ཤོག་གསལ་བསྒྲགས་གནང་བ་མ་ཚད། ལམ་གྲོན་སོགས་ཚོགས་པ་ནས་མ་ཞས་པར་རང་རང་སྒེར་གྱི་བཏང་བ་སོགས་ཧ་ཅང་གི་བཀའ་དྲིན་ཆེན་པོ་གནང་ཡོད། མཐར་དཔལ་འབྱོར་འདུ་འགོད་ཀྱི་ལས་གཞི་དང་པོ་ཚགས་ཚུད་དང་དཔལ་འབྱོར་འདུ་འགོད་ཡག་པོ་བྱུང་ཡོད།

མདོ་ཁམས་ཡུལ་ཤུལ་ཚོགས་པའི་གྲོས་ཆོད་གཞིར་བཟུང་། མདོ་ཁམས་ཡུལ་ཤུལ་ཚོགས་པ་རྒྱ་གར་ཁྲིམས་མཐུན་གྱི་དེབ་སྐྱེལ་བྱ་ཆེད་ས་གནས་ལྡི་ལིར་གནས་བཞུགས་རང་རེའི་ཕ་ཡུལ་གཅིག་པ་ཁྲིམས་རྩོད་པ་འཆི་མེད་གཡུང་དྲུང་ལགས་དང་ངོ་ཐུག་གིས་དེབ་སྐྱེལ་རྒྱུ་ཐག་གཅོད་བྱུང་སྟེ། དྲུང་ཆེན་གའི་ངག་དབང་བློ་གྲོས་ལགས་ནས་དེབ་སྐྱེལ་གྱི་ཡིག་ཆ་མཁོ་གྲུབ་དང་ཁྲིམས་རྩོད་པ་དང་ཐུག་འཕྲད་སོགས་ཀྱི་འགན་ཁུར་གནང་། དེབ་སྐྱེལ་གྱི་གསྟི་གནས་ཁ་བྱང་དང་ཡིག་ཆ་སོགས་ཆ་ཚང་གྲྭའུ་དཔོན་ཚང་ནས་རོགས་རམ་གནང་ཡོད། སྤྱིང་དེབ་སྐྱེལ་ལ་རྗོང་གི་དེབ་སྐྱེལ། མངའ་སྡེའི་དེབ་སྐྱེལ་དང་རྒྱལ་ཁབ་སྤྱི་ལ་ཁྱབ་པའི་དེབ་སྐྱེལ་སོགས་ཁྱབ་ཚད་མང་པོ་ཡོད་པའི་ནང་ནས་མ་འོངས་ལས་དོན་རྒྱ་བསྐྱེད་སོགས་ལ་དགོངས་ཏེ་རྒྱལ་ཁབ་སྤྱི་ལ་ཁྱབ་པའི་དེབ་སྐྱེལ་གནང་ཐུབ་པ་བྱུང་ཡོད། ཚོགས་པའི་དམིགས་ཡུལ་ཐོག་མ་དེ་དེབ་སྐྱེལ་བྱ་རྒྱུ་ཡིན་པ་གཞིར་བཟུང་དབུས་རྒྱུན་རྣམ་པ་དང་ཁྲིམས་རྩོད་པ་འཆི་མེད་གཡུང་དྲུང་ལགས་ནས་མུ་མཐུད་དེ་སྐུ་ངལ་བསྐྱོན་པར་བརྟེན་ད་ཐེངས་དེབ་སྐྱེལ་ལེགས་གྲུབ་བྱུང་ཡོད།