མདོ་ཁམས་ཡུལ་ཤུལ་ཚོགས་པའི་གྲོས་ཆོད་གཞིར་བཟུང་། མདོ་ཁམས་ཡུལ་ཤུལ་ཚོགས་པ་རྒྱ་གར་ཁྲིམས་མཐུན་གྱི་དེབ་སྐྱེལ་བྱ་ཆེད་ས་གནས་ལྡི་ལིར་གནས་བཞུགས་རང་རེའི་ཕ་ཡུལ་གཅིག་པ་ཁྲིམས་རྩོད་པ་འཆི་མེད་གཡུང་དྲུང་ལགས་དང་ངོ་ཐུག་གིས་དེབ་སྐྱེལ་རྒྱུ་ཐག་གཅོད་བྱུང་སྟེ། དྲུང་ཆེན་གའི་ངག་དབང་བློ་གྲོས་ལགས་ནས་དེབ་སྐྱེལ་གྱི་ཡིག་ཆ་མཁོ་གྲུབ་དང་ཁྲིམས་རྩོད་པ་དང་ཐུག་འཕྲད་སོགས་ཀྱི་འགན་ཁུར་གནང་། དེབ་སྐྱེལ་གྱི་གསྟི་གནས་ཁ་བྱང་དང་ཡིག་ཆ་སོགས་ཆ་ཚང་གྲྭའུ་དཔོན་ཚང་ནས་རོགས་རམ་གནང་ཡོད། སྤྱིང་དེབ་སྐྱེལ་ལ་རྗོང་གི་དེབ་སྐྱེལ། མངའ་སྡེའི་དེབ་སྐྱེལ་དང་རྒྱལ་ཁབ་སྤྱི་ལ་ཁྱབ་པའི་དེབ་སྐྱེལ་སོགས་ཁྱབ་ཚད་མང་པོ་ཡོད་པའི་ནང་ནས་མ་འོངས་ལས་དོན་རྒྱ་བསྐྱེད་སོགས་ལ་དགོངས་ཏེ་རྒྱལ་ཁབ་སྤྱི་ལ་ཁྱབ་པའི་དེབ་སྐྱེལ་གནང་ཐུབ་པ་བྱུང་ཡོད། ཚོགས་པའི་དམིགས་ཡུལ་ཐོག་མ་དེ་དེབ་སྐྱེལ་བྱ་རྒྱུ་ཡིན་པ་གཞིར་བཟུང་དབུས་རྒྱུན་རྣམ་པ་དང་ཁྲིམས་རྩོད་པ་འཆི་མེད་གཡུང་དྲུང་ལགས་ནས་མུ་མཐུད་དེ་སྐུ་ངལ་བསྐྱོན་པར་བརྟེན་ད་ཐེངས་དེབ་སྐྱེལ་ལེགས་གྲུབ་བྱུང་ཡོད།
