{{བཙན་པོའི་ཕྱག་རྗེས་}}ལི་ཁྲའི་གཟེངས་བསྟོད།

མི་རྗེ་བཀའ་བློན་ཆོས་སྐྱོང་དབང་ཕྱུག་མཆོག་ལ་ཆེད་དུ་འབུལ། ད་ཐེངས་མདོ་ཁམས་ཡུལ་ཤུལ་བ་དབུས་སྤྱི་ཁྱབ་རྒྱུན་ལས་ཁང་གི་ཚང་འཛོམས་གྲོས་ཚོགས་ནས་ཐག་བཅད་བྱུང་བ་བཞིན་དུ། མདོ་ཁམས་ཡུལ་ཤུལ་དབུས་སྤྱི་ཁྱབ་རྒྱུན་ལས་ཁང་ནས་གསར་བཟོ་ཞུས་པའི་(བཙན་པོའི་ཕྱག་རྗེས་) ཞེས་པའི་རྒྱུ་མཚན་དང་གོ་དོན་ཅན་གྱི་ལི་ཁྲའི་གཟེངས་བསྟོད་འདི། མི་རྗེ་བཀའ་བློན་ཆོས་སྐྱོང་དབང་ཕྱུག་མཆོག་ལ་ཆེད་དུ་འབུལ་རྒྱུ་སྤྱི་མོས་གཏན་འབེབས་བྱུང་། དེ་ཡང་གཉན་འཕྲང་ཅན་གྱི་དུས་རབས་འདིར་ཁྱེད་ནི་རང་རེ་ཡུལ་ཤུལ་བའི་མངའ་ཁོངས་ནས་བཙན་བྱོལ་བོད་མིའི་བཀའ་བློན་གྱི་མཛད་འགན་བཞེས་བཁན་ཆེས་ཐོག་མ་དེ་ཡིན་པ་དང་། ༧སྤྱི་ནོར་༧གོང་ས་རྒྱལ་བ་རིན་པོ་ཆེ་མཆོག་གི་བཀའ་དགོངས་བཞིན་དུ་ལས་དོན་ཧུར་བརྩོན་གནང་བ་སོགས་ལ་བརྟེན་ནས་ནོར་བུ་ནོར་ངོ་ཤེས་པའི་མཚོན་བྱེད་ཙམ་དུ་དམིགས་ནས་དོན་སྙིང་ཅན་གྱི་གཟེངས་བསྟོད་འདི་ཕུལ་བ་ཡིན། མ་འོངས་པར་བཀའ་བློན་མཆོག་གི་མཛད་འཕྲིན་རྣམས་གེགས་མེད་ལམ་འགྲོ་ཡོང་བ་དང་། བོད་འབངས་གཞིས་བྱེས་འཛོམས་པའི་སྨོན་འདུན་བཅས།